Të tjera pamje nga grabitja e djeshme janë publikuar ditën e sotme. Siç dallohet edhe nga këto pamjet, janë dy persona të cilët janë duke prerë telat në një furgon që ka mbishkrimin “Hetimi Tatimor”. Personi i tretë ruan me armë në dorë, ndërsa shoferi nuk del nga makina.
Pasi kanë prerë telat, grabitësit futen me furgon drejt Rinasit, pa u shqetësuar nga askush. Siç dallohet edhe nga këto foto, në zonë nuk ka patur asnjë roje sigurie.
Furgoni me mbishkrimin e rremë ‘Drejtoria e Pergjithshme e Tatimeve’ dhe ‘Hetimi Tatimor’ u fut në aeroport,dhe prej aty dolën grabitësit ku morën rreth 10 milionë euro.
Pasi morën thasët me para, me këtë furgon grabitësit dolën sërish nga aeroporti, ku në ndjekje nga policia, në një shkëmbim zjarri u vra Admir Murataj, një prej grabitëse. Ka pasur përplasje të armatosur, ku në xhamin e përparmë të furgonit shihet edhe një plumb. Plumba ka edhe ne xhamat e pasmë.
Makina u gjet nga policia rreth 2 km larg aeroportit te Rinasit, ndërsa nuk u arrit të digjet nga autorët. Bashkëpunëtorët e tjerë u larguan me shpejtësi me thaset me para, pa mundur te djegin me benzine furgonin, brenda te cilit ka shume gjurme, por edhe armatime, granata, tritol, kallashnikove, dhe krehera me fishekë.
Deri më tani policia ka arritur të identifikojë viktimën Admir Muratajn, ndërsa është duke zhvilluar një operacion në fshatin Drithas, për arrestimin dhe kapjen e grabitësve.
