Kjo është historia e Agron Naçit të cilit nuk i lejohet të takojë vajzën e tij, kjo si pasojë e veprimeve të ish-bashkëshortes.
Historia është rrëfyer nga vetë Agroni në emisionin “Me zemër të hapur”, i cili ka kërkuar të takojë vajzën e tij, dhe pse me vendim gjykate atij i takon e drejta të shohë vajzën përpos dhënies së pensionit ushqimor.
Agron Naçi, prej tre vitesh nuk arrin dot të takojë vajzën e tij. Edhe pse e ka paguar detyrimin e tij, Naçi tregon se ish-bashkëshortja refuzon takimin midis babait dhe vajzës. Madje ajo ka nisur një kalvar të gjatë gjyqesh në Greqi, ku ka ngritur pretendimin se nuk ka qënë e njoftuar nga gjykata shqiptare për divorcin.
Burri ka treguar se divorci erdhi për shkak të xhelozisë së gruas e cila sipas tij shpesh herë ka kaluar në posesivitet. Sot ai ende vuan xhelozinë e saj pasi edhe pse ata janë ndarë ish-bashkëshortja sërisht sipas tij shpreson se ata do të rikthehen bashkë.
Ai tha më tej se me dokumente martesa ka zgjatur vetëm 1 vit.
“Kishim konflikte, ajo ishte shumë xheloze, unë nuk merrja dot frymë prej saj. Nuk mund të flisja me njërëz. Kur lindi vajza nuk më linte ta prekja me dorë, ta përkëdhelja. Më ka akuzuar sikur pëlqeja nënën e saj”,- thotë Agroni.
“Gruaja më gënjeu. Kur bëmë dokumentet për celebrim ajo rezultonte e shkurorëzuar. Do jetë bërë ndonjë gabim në gjendjen civile më tha kur zbulova në dokumente që ka qënë e shkurorëzuar. Pak kohë më vonë mora një telefonatë nga një person që thoshte jam burri i saj dhe kam tre vite i lidhur me të, por ti kush je? Unë aty mbeta keq, por gruaja më tha që nuk e njihte fare atë person”,- thotë Agroni.
Agroni bëri publik edhe një mesazh audio ku gruaja dëgjohej të thoshte: “Turp, nuk do ta shikosh kurrë fëmijën. Ajo fëmijë do rritet nesër dhe do mësojë cfarë babai je ti, një tradhtar. Si guxon dhe i jep telefonin shoqes tënde të më përgjigjet mua”.
Pas këtij momenti në studio telefonoi ish-bashkëshortja, e cila pavarësisht ndarjes tha se e donte akoma.
Nga ana e tij Agroni tha se nuk mund të kthehet më me ish-gruan por do vetëm të takojë vajzën.
