Gjykata italiane ka dënuar me 8 vite burg një shqiptar i cili përdhunoi të dashurën e tij.
Sipas mediave italiane, 21-vjeçari e kishte lidhur dhe dhunuar vajzën derisa ajo kishte mundur të dilte nga banesa për ta raportuar ngjarjen e rëndë.
Kledian Hoxhaj, 21 vjeç është gjykuar me procedurë të shkurtuar, duke fituar 1/3 e uljes së dënimit. Aktualisht i riu ndodhet i burgosur në Prato të Italisë.
Në momentet e arrestimi, i riu shqiptar nuk u duk i penduar apo i mërzitur. Madje tha se e kishte mbrojtur veten nga vajza.
DETAJE RRETH NGJARJES
Ngjarja daton në nëntor 2017. Në atë kohë Klediani kishte një lidhje me një vajzë, 18 vjeçe, por ishte xheloz në nivel paranoiak. Fillimisht, vajza nuk e kishte raportuar dhunën.
Një mbrëmje vajza kishte rënë dakord të qëndronte në shtëpinë e të dashurit të saj, i cili jetonte vetëm në San Concordio, për të kaluar natën aty për herë të parë. Por papritur ai u bë agresiv ndaj të dashurës.
21-vjeçari e kishte lidhur vajzën tek krevati dhe e përdhunoi. Prej xhelozisë së çmendur, ai e kishte grushtuar, kapur prej fyti dhe madje e goditi me bishtin e një fshese. Ai ia kishte marrë edhe telefonin për ta parandaluar atë që të kërkonte ndihmë.
Vajza kishte përfituar nga një çast shpërqendrimi për të marrë telefonin celular dhe njoftoi prindërit e saj. Para se të largohej, shqiptari e kishte kërcënuar me vdekje: -“Nëse më denoncon unë do të vras …”.
Pasi arriti që të çlirohej nga kthetrat e shqiptarit, vajza përfundoi në spital me shenja të rënda dhune, si ënjtje dhe të nxira në pjesë të ndryshme të trupit.
