Imzot Xhorxh Frendo ka nisur zyrtarisht misionin si Arqipeshkv i Arkidioqezës Metropolitane Tiranë–Durrës pas një ceremonie të mbajtur në Katedralen e Shën Palit në kryeqytet. Ai iu drejtua me një apel të rinjve që të mos largohen nga Shqipëria por ta shohin të ardhmen në vendin e tyre.
Shërbesa baritore në Katedralen e Shën Palit shënoi fillimin e misionit zyrtar të imzot Xhorxh Frendo si Arqipeshkv i Arkidioqezës Metropolitane Tiranë–Durrës.
Sipas kanoneve liturgjike ai u prit në hyrje të katedrales nga kolegji i konsultoreve, që ka udhëhequr dioqezën në kohën kur nuk kishte ipeshkv.
Dekreti i emerimit të Imzot Xhorxh Frendo si ipeshkv u lexua në latinisht dhe shqip.
Në cilësinë e ipeshkvit të ri, Imzot Xhorxh Frendo iu drejtua me mesazhe çdo kategorie. Të parët ishin meshtarët, të cilëve u kërkoi të vlerësojnë thjeshtësinë. Ndersa të rinjve u bëri apel të mos largohen nga Shqipëria.
Në meshë, përveç besimtarëve ishin të pranishme edhe hierarkë të Kishës Katolike në Kosovë, Mal të Zi dhe nga vende të tjera si Italia apo Malta.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
