Paralel me protestën e opozitës, vijon dhe seanca plenare, ku do të betoheshin dhe deputetët e rinjë të opozitës.
Teksa deputetët Adriatik Alimadhi dhe Arben Elezi kanë pranuar mandatin duke bërë betimin në Kuvend, ka suprizuar deputetja e re e LSI-së, Ambra Borova e cila do të merrte vendin e lënë në Kuvend nga Agron Çela në Shkodër.
Ajo nuk është paraqitur në Parlament. Mungesën e Borovës ditën e sotme në Kuvend, në seancën e betimit, kreu Kuvendit Gramoz Ruçi, e ka justifikuar duke u shprehur se kishte “ arsyet e saj objektive, më madhore”.
Me tre emrat e rinj në Kuvend, numri i deputetëve që do të ulen në sallë janë 99. Nga opozita e re, vendet më të shumta i ka zënë LSI me 11 deputetë, si dhe Lefter Koka, ndërsa nga PD janë 6 deputetë të rinj, dhe dy përfaqësuesit që nuk lanë mandatin Rudina Hajdari dhe Myslim Murrizi.
Lista e opozitës së re në Kuvend:
Partia Demokratike:
Myslim Murrizi
Rudina Hajdari
Ligoraq Karamelo
Alban Zeneli
Majlinda Halilaj
Lefter Maliqi
Levizja Socialiste per Integrim
Lefter Koka
Enda Koçiraj
Nimet Musai
Ralf Gjoni
Ylli Shehi
Aurora Mara
Erdiola Braha
Edlira Hyseni
Enver Roshi
Edmond Rrushi
Elda Hoti
