Dita e sotme pritet të ketë ngjarje politike.
Nga njëra anë maxhoranca si zakonisht do të zhvillojë seancën e radhës plenare, ndërsa opozita do të vijojë më skenarin e saj të protestave para selisë së Parlamentit.Protesta është parashikuar të nisë në orën 9:30, ndërsa në orën 10 do të fillojë edhe seanca parlamentare.
Kjo është protesta e shtatë e opozitës, por siç kanë thënë drejtuesit e PD ata do të protestojnë sa herë që ka seanca plenare. Ndërsa në 13 prill opozita ka thirrur një protestë kombëtare.
Në seancën e sotme do të bëhet betimi i deputetëve të rinj, të cilët dje morën mandatin.
Ata që morën mandatin janë Adriatik Alimadhi, që është kreu i Ballit Kombëtar, Arben Elezi që do të marrë mandatin e Edmond Spahos në qarkun e Elbasanit, dhe Ambra Borova e LSI-së, që do të marrë vendin e lënë në Kuvend nga Agron Çela në Shkodër.
Me tre emrat e rinj në Kuvend, numri i deputetëve që do të ulen në sallë janë 99. Nga opozita e re, vendet më të shumta i ka zënë LSI me 11 deputetë, si dhe Lefter Koka, ndërsa nga PD janë 6 deputetë të rinj, dhe dy përfaqësuesit që nuk lanë mandatin Rudina Hajdari dhe Myslim Murrizi.
Lista e opozitës së re në Kuvend:
Partia Demokratike:
Myslim Murrizi
Rudina Hajdari
Ligoraq Karamelo
Alban Zeneli
Majlinda Halilaj
Lefter Maliqi
Levizja Socialiste per Integrim
Lefter Koka
Enda Koçiraj
Nimet Musai
Ralf Gjoni
Ylli Shehi
Aurora Mara
Erdiola Braha
Edlira Hyseni
Enver Roshi
Edmond Rrushi
Elda Hoti
