Gjykata e Tiranës ka lënë në burg, ish-drejtorin e Inspektoratit Ndërtimor të Bashkisë së Tiranës, Florenc Hoxha, dhe 4 protestuesit e tjerë të cilët u arrestuan pas tubimit të dhunshëm në 16 shkurtit.
Mësohet se Florenc Hoxha ka kërkuar ndryshimin e masës së sigurisë, por kjo kërkesë është hedhur poshtë nga Gjykata.
Po ashtu gjykata ka vendosur të lërë në burg dhe protestuesit e tjerë, Ilir Hamendani, Agim Peposhi, Saimir Rexhepi, Ferit Dankshi.
Gjatë protestës së 16 shkurtit u arrestuan 19 protestues për të cilet gjykata e Tiranës vendosi si masë për 6 arrest me burg 6 detyrim paraqitje dhe për 7 arrest shtëpie. Më 12 mars as Apeli nuk pranoi të ndryshonte masën e sigurisë.
Pesë protestuesit e tjerë akuzohen për akte dhunë ndaj institucionit të Kryeministrisë dhe prishje të veprave të artit.
