Ajo aktualisht është ende deputete e PD, kjo pasi doli kundër vendimit unanim të opozitës, duke mos e djegur mandatin.
Deputetja e PD, Rudina Hajdari, një ndër tre deputetët e opozitës që nuk pranuan të djegin mandatin, do të jetë sot e pranishme në seancën parlamentare.
Ajo është shfaqur herët në ambientet e Kuvendit, ndërsa e pyetur nga ‘Ora News’, ajo deklaroi se sot do të tregojë arsyet pse nuk pranoi të djegë mandatin e deputetit.
Kujtojmë se deputetja u përjashtua nga Partia Demokratike.
Pse nuk e dogjët mandatin tuaj, duke dalë kundër vendimit të opozitës?
Hajdari: Do ta them sot në Parlament
A ndiheni tradhtare?
Hajdari: Absolutisht jo
Vëllai juaj ka dalë krah Bashës në protestat e opozitës, si e komentoni?
Hajdari: Unë dhe vëllai im luftojmë për të njëjtin qëllim që është demokracia e Shqipërisë dhe e ardhmja e Shqipërisë, kështu që nuk kemi absolutisht asnjë kundërshtim me njëri tjetrin
