“Lëpirës pushteti”, Petrit Vasili sulmon ashpër Erion Veliajn

Nga Petrit Vasili

Tirana di t’i fshijë nga memoria lëpirës pushteti si ky Veliaj, që as nuk i njeh Tiranasit dhe as nuk do ti njohë dot.

Ky farë kryetar bashkie dërdëllit sot për Tiranën e Tiranasit dhe ka kurajën vulgare e provinciale të flasë në emër të tyre, e aq me pak të bëjë sikur i njeh ata.

As i njeh e as ka për ti njohur tiranasit sepse nuk u përket atyre në asnjë pikëpamje dhe njëherazi edhe tiranasit kanë neveri ta njohin atë.

Tiranës as që i bëhet vonë se një lëpirës pushteti u shfaq për pak kohë në horizontin e saj.

Tirana ka ditur t’i fshijë edhe nga pushteti edhe nga memorja të tillë langaraqë.

Ky dhe gjithë kopeja e rilindësve të tjerë vetëm kanë ‘kontribuar’ në shkatërrimin, zhbërjen dhe plaçkitjen e këtij qyteti.

Edhe vikingët në fillimet e tyre do t’jua kishin zili rilindësve egërsinë dhe fuqinë shkatërruese të tyre për Tiranën.

Megjithatë vetëm dy foto mjaftojnë për t’u thënë Mjaft, mbylleni gojën, këtyre armiqve të Tiranës.

Armiqve, që u kanë zhvatur tiranasve xhepin me taksa të tmerrshme, që u kanë shkatërruar qytetin kryq e themel dhe jua kanë bërë qytetin me cilësinë më të keqe të jetës ne Europë sicc nxjerr në shesh Indeksi Mercer.

Shihini vetë fotot se si gjelbëronte Tirana dikur dhe se si betoni i rilindjes e shkatërroi pa kthim dhe kuptoni menjëherë se sa e pacipe është ccdo dërdëllitje bashkiake.