Kryeqendra e mediave ditën e sotme u bë efektivja e forcave “Shqiponja”, Blerta Dervishi. Ajo u pezullua nga detyra tre ditë për shkak se kundërshtoi deri në fund përmbaruesit për të mos lejuar prishjen e shtëpisë së saj në Petro Nini Luarasi.
Efektivja, nënë e dy djemve jeton në një prej banesave, të ndërtuara në pronën që gjykata ua ka kthyer ish-pronarëve dhe bashkë me fëmijët u bë protagoniste e kundërshtimit që përfundoi në incidente.
Por ajo që është mësuar së fundmi, është fakti shumë ironik, që efektivja ka mikeshë të saj dhe Ina Nukun, një tjeter efektive e cila mbeti e plagosur në një protestë të së njëjtës motiv.
Kujtojmë që Inës ju dëmtuan dy gishta të njërës dorë nga hedhja e kapsollave prej protestuesve të “Astirit” në tubimin e tyre para Parlamentit më 22 nëntor. Por ndryshe nga Blerta, të cilës iu tërhoq “veshi” se mbrojti banesën e saj, Ina Nuka u trajtua si një “heroinë” nga qeveria.
Ky është paradoks në vetvete, ku është normale të dyshojmë për sjelljet e qeverisë. A duhet të bësh mirë dhe të mbështetesësh qeverinë për tu quajtur heroinë?
