Një tjetër kandidat i Lëvizjes Socialiste për Integrim ka dorëzuar sot formularin e dekriminalizimit dhe për rrjedhojë kërkon të marrë mandatin e deputetit nga KQZ. Bëhet me dije se në KQZ është dorëzuar sot formulari i kandidatit të LSI-së, Ralf Gjoni.
Kujtojmë se Gjoni ka qenë në zgjedhjet e fundit në listën e LSI-së në Qarkun e Tiranës.
Ai ka qenë i 11-ti në listë, ndërkohë që pas dorëheqjes së deputetëve të LSI-së ai kërkon të përfitojë mandatin e deputetit. Aktualisht nga LSI kanë marrë mandatin 4 kandidatë, të cilët u betuan në Parlament.
Ndërkohë ditën e djeshme nga listat e PD-së morën mandatin e deputetit:
Lefter Maliqi
Ligoraq Karamelo, i cili ka qenë nga listën e Korçës.
Majlinda Halili, i cili ka qenë në listat për Tiranën.
Ndërkohë që nga LSI-ja do të hyjnë në Kuven dhe tre zonja:
Elda Hoti, ka qenë kandidate në listat e Lezhës.
Edlira Hyseni, në listat e Durrësit.
Ediola Braho, në listat e qarkut Gjirokastër.
Pritet që këta deputetë të betohen gjatë seancës së 13 Marsit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
