Një qytetar i cili ishte ndaluar për kontroll rutinë nga patrulla e përgjithshme e policisë në Kamëz, është arratisur në mënyrë spektakolare ndërkohë që është rrethuar nga uniformat blu, pasi nuk ka pranuar ti nënshtrohet kontrollit.
Burime nga policia bëjnë me dije për Ora News, se i arratisuri nuk ka pasur statusin e të ndaluarit, ndërsa është vënë në ndjekje të tij, ndërsa do kryhet dhe verifikimi nëse ndaj këtij shtetasi ka ndonjë urdhër ndalimi, apo është i dyshuar për ndonjë vepër penale.
Mos bindja ndaj punonjësit të policisë është vepër penale, me të cilën i arratisuri do përballet, pasi sipas nenit 236 të kodit penal, kundërshtimi që i bëhet punonjësit të policisë së rendit publik, me qëllim për ta penguar atë për të kryer detyrën sipas ligjit, përbën kundërvajtje penale dhe dënohet me gjobë ose me burgim gjer në një vit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
