Tensionet dhe përplasjet mes policisë dhe qytetarëve vazhdojnë të jenë të pranishme gjatë protestës në Fier.
Burime nga PD bëjnë me dije se protestuesit po provokohen, ndërsa mes tyre ka dhe të infiltruar të cilët nxisin veprime të dhunshme, pavarësisht thirrjeve të ish-deputetit Luan Baçi për të ruajtur qetësinë.
Gjithashtu mësohet se këta persona që nxisin dhunën kanë lënduar dhe një prej policëve të vendosur në radhë. Mësohet se efektivi është goditur në kokë me sende të forta dhe është transportuar për në spital.
Kujtojmë se Kryeministri Edi Rama që prej ditës së djeshme është në Fier, nga ku do të zhvillojë disa takime,ndërsa në çdo qytet ku ai shkon, pritet me protesta nga qytetarët e pakënaqur prej tij./K.Balliu/DRONI.al
https://www.facebook.com/230329490443653/videos/1143875562459745/UzpfSTEzODEwMzcwOTg4OTMyMDk6MjE2NjEzOTA0MzcxNjM0MA/
