Reali i Madridit u largua nga froni i tyre si kampion Europe pas 1000 ditësh, në mënyrën më të keqe të mundshme. Ajax fitoi 4-1 në “Santiago Bernabeu” dhe trajneri Santiago Solari ndër të tjera ka theksuar mungesën e Sergio Ramos..
“Pa folur keq për ndonjë nga lojtarët tanë, sigurisht që kemi humbur kapitenin tonë”, tha argjentinasi. “Ky ka qenë një sezon shumë i vështirë për Los Blancos në vitin e parë pas largimit të Cristiano Ronaldo dhe Zinedine Zidane. “Sezoni është i vështirë, por ne jemi këtu për të treguar zemrën dhe karakterin tonë në momente të vështira. Momentet e lehta janë të lehta për të gjithë, ju mund të ngjiteni dhe ti shijoni sukseset, por në momente e vështira duhet të tregoni trimëri”.
Kur u pyetën se çfarë duhet të bëjë klubi, Solari theksoi se vendimet e nxituara nuk duhet të merren në një moment delikat.
“Ajo që duhet të bëjmë është të qëndrojmë sa më të qetë në një moment kaq të vështirë. Duhet të tregojmë karakter dhe pjekuri. Madridi është më i madh se çdonjëri prej nesh gjithmonë kthehet dhe kthehet edhe më i fortë”, tha argjentinasi.
“Ne kemi një ekip të mirë dhe e kemi treguar në disa momente të sezonit, por të jemi të sinqertë, jo vazhdimisht dhe jo vazhdimisht mjaftueshëm. Këtë javë kemi humbur gjithçka, çdo mundësi për të fituar një trofe. Kjo është e vështirë ta pranosh. Për mua njerëzit e harrojnë shumë shpejt atë që ka ndodhur në të kaluarën, sepse nuk është e zakonshme që një skuadër të fitojë tre Champions radhazi. Kjo nuk do të ndodhi më, po ju them që tani. Urime Ajax-it, ishte ekipi më i mirë. Sipas mendimit tim, që tani duhet të nisë përgatitja për sezonin e ardhshëm. Është koha që të kërkojmë ndjesë. Ne kemi rënë me të vërtetë poshtë dhe i kemi mërzitur tifozët”, tha Kroos.
“Ne kemi patur një sezon skandaloz. Nuk e shoh këtë si fundin e një cikli. Ne kemi një ekip të ri, por diferenca për përmirësim është e madhe“, tha Carvajal pas disfatës turpëruese.
