Real Madrid ka pësuar tri humbje radhazi para tifozëve në “Santiago Bernabeu”, duke vendosur kështu një prej ecurive më negative në histori të klubit madrilen.
Në dy javët e fundit, të besuarit e Santiago Solarit humbën ndaj Gironës në La Liga, kundër Barcelonës në Kupën e Mbretit dhe përsëri kundër Barcelonës në ligë.
Pas kësaj forme të dobët, skuadra e Ajaxit vjen në “Santiago Bernabeu” për të përfituar nga kjo situatë delikate që po kalojnë kampionët në fuqi të Europës.
Statistikat flasin kundër Realit i cili ka fituar vetëm dy nga pesë ndeshjet e fundit në “Bernabeu” për Champions League, duke shënuar 9 gola.
Kujtojmë që Real Madrid ka fituar ndeshjen e parë me rezultatin 2-1 përballë Ajaxit.
