FSHF ka dalë sot një konferencë për shtyp, së bashku me kryetarin e Shoqatës së Arbitrave Tahir Kastrati.
Pas dhunës ndaj gjyqtarit Eldorjan Hamiti në takimin Kamza-Laçi, sekretari i përgjithshëm, Ilir Shulku, deklaroi se Federata e ka kërkuar disa herë rikthimin e policisë, por ende nuk është marrë asnjë masë.
“Policia nuk ka reaguar në lidhje me incidentet në stadiumet shqiptare, edhe pas reagimeve të FSHF. Kërkuar ndërhyrjen e policisë pas ndeshjes së parë, ku luhej Skënderbeu dhe Partizani. Diçka e tillë ndodhi edhe javën e kaluar edhe ku u godit fotografi i Flamurtarit, nga tifozët e Partizanit.
Edhe media e ka kërkuar diçka të tillë, por asnjë reagim nga shteti. Kush do i mbrojë lekët e këtyre presidentëve? Nuk është marrë asnjë masë nga organet shtetërore. Në ndeshjen e fundit, u bë një “show” nga ana e policisë, por tifozët u futën në fushë, duke takuar lojtarët e tyre, u shpreh Shulku.
Ndërkohë që më tej u tha se në rast se nuk ndërhyn policia do të mendohet dhe pezullimi i kampionatit.
