Pas deklaratave të eurodeputëve të cilët erdhën në Tiranë për situatën politike, ka reaguar dhe Petrit Vasili.
Nëpërmjet një deklarate për mediat, Vasili thotë se eurodeputetët e kanë të turbullt shikimin dhe si pasojë e kësaj nuk e vënë re situatën aktuale.
Sipas ish-deputetit, dosja ‘339’ qëndron e bllokuar, krimi ka blerë votat dhe unaza e re është një skandal ndërkombëtar.
“Vota në Shqipëri është blerë nga krimi dhe fajtorët i njeh gjithë Shqipëria. Çudi që zyrtarët e BE s’kanë dëgjuar për dosjen ‘339’, e cila mbahet e bllokuar. Unaza e re është një skandal ndërkombëtar. Nuk e shohin zytarët e PE se kanë shikim të turbulluar, por ne do mundohemi tua qartësojmë shikimin. Opozita do ketë gjithmonë një shami në dorë për të pastruar sytë e turbulluar të eurodeputetëve”– tha Vasili.
