Ne seancën e sotme në gjykatë, kreu i Grupit Parlamentar Taulant Balla ka munguar sërish, ndërsa prezent ka qënë vetëm djali i ish-kryeministrit Berisha, Shkëlzen Berisha.
Duke kërkuar dënimin e Ballës, pas deklarimeve të bëra në komisionin hetimor për privatizimin e CEZ, në adresë të tij, Berisha dha dhe arsyer pse Balla nuk ishte i pranishëm sot.
Berisha tha se Balla nuk ishte i pranishëm pasi nuk jep dot shpjegime për udhëtimet jashtë Shqipërisë me trafikantin e drogës, Edmond Bego.
Zoti Balla ka shpifur kur ka deklaruar që unë nuk kam paguar tatime. Shpifësi nuk është sot në Gjykatë, nuk ka dashur që të japë llogari për udhëtimet me Edmond Begon.
Nuk ka dashur që të shpjegojë zotëria ka fituar 6 milionë euro para nga taksat e shqiptarëve pasi u kthye nga udhëtimet me Ballën. Pas përfundimit të procesit penal patjetër që do të shoqërohet dhe me padi civile”, u shpreh Berisha pas përfundimit të seancës.
