Katër persona mbetën të plagosur në një aksident që ka ndodhur mbrëmjen e sotme në fshatin Fratar të Mallakastrës kur një automjet doli rruga dhe përfundoi në kanalin anësor.
Nga aksidenti kanë mbetur të plagosur 4 persona të cilët janë dërguar menjëherë në spitalin Rajonal të Fierit.
Njëri prej të plagosurve, më rëndë është nisur drejt kryeqytetit ndërkohë tre të tjerë vazhdojnë të marrin ndihmë mjekësore në spitalin e Fierit.
Shkak për aksidentin mendohet të ketë qenë shpejtësia e lartë me të cilën udhëtonte automjeti si dhe mungesa e ndriçimit në rrugë.
