Opozita ka vendosur që çdo të enjte të vijë me protesta të fuqishme para Parlamentit.
Burime për Droni.al nga selia blu thonë se ky ka qënë vendimi i marrë nga mbledhja me kryetarë të PD në rrethe.
Partia Demokratike e ka menduar këtë strategji të tillë, vetëm për qëllimin e vetëm që të mos lejojë jetën parlamentare.
Kështu, seanca e ardhshme parlamentare pritet të jetë në 28 shkurt dhe ne të njejtën ditë është parashikuar edhe protesta tek parlamenti. Ndërsa në datën 16 mars do të zhvillohet një tjetër protestë e madhe kombëtare me qëllim rrëzimin e qeverisë.
Kujtojmë se këtë të enjte opozita zhvilloi protestë, ku pavarësisht paralajmerimeve të qeverisë për dhune dhe hyrje me forcë në parlament, nuk u shënua asnjë incident.
Kjo ishte dita kur kreu i opozites Lulzim Basha, dorëzoi zyrtarisht mandatet e deputetëve të opozitës. Nëpërmjet këtij hapi ekstrem, opozita beson se do të detyrojë kryeministrin Rama të tërhiqet nga pushteti i blerë në bashkëpunim me krimin dhe t’i hapë rrugë një qeverie tranzitore, që do të siguroje zgjedhje të lira e të ndershme.
©DRONI.al
