Andi Bushati, i ftuar në emisionin “Të Paekspozuarit”, ka komentuar konferencën për shtyp të kryeministit Rama, pas vendimit të opozitës për të djeguar mandatet parlamentare dhe pas dy protestave qytetare.
Analisti është shprehur se, kryeministri foli gjatë dhe kërkoi falje se shpesh shfaqet si arrogant, por në fakt ai po akuzohet nga opozita si hajdut dhe person i lidhur me krimin dhe jo pse del me brekushe apo bën humor në rrjetet sociale.
“Nuk mendoj se e keqja e Ramës ose e këtij reagimi të parë të Ramës, ishte te fakti se i mbahej fryma. Unë Ramën në këtë gjendje fizike e kam parë vetëm pas protestës së Kukësit. Kemi opozitën që ka bërë veprim super ekstrem. Këtë masë ekstreme e ka marrë sepse pretendojnë se Rama vjedh zgjedhjet, vjedh te Unaza, punon për 5 oligarkë. Ne shohim një njeri që u kërkon falje shqiptarëve, se është ironik me gazetarët, se bën humor apo sarkazëm në rrjete sociale apo se del me brekushe.Ka një pyetje shumë të thjeshtë, është budalla apo bën vetë? Ky po kërkon falje se vishet me brekushe, por akuza ndaj ti ëshët se po vjedh dhe bashkëpunon me kriminelë. Nuk e di a ishim në teatër, apo Rama nuk është në gjendje të kuptojë atë që po ndodh me vendin”, është shprehur ndër të tjera Andi Bushati në “TPZ”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
