Një ditë para skadimit të afatit për aplikim, prokurorja Donika Prela, e cila është drejtuese në Prokurorinë pranë Gjykatës së Shkallës së Parë për Krime të Rënda, ka aplikuar për të qenë anëtare e “Strukturës së Posaçme kundër Korrupsionit dhe Krimit të Organizuar”, njohur ndryshe si SPAK.
Kujtojmë që Prela kaloi Vettingun disa javë më parë, dhe pse në seancën e saj pati disa probleme lidhur me pasurinë e saj dhe të bashkëshortit, ku dhe PD kërkoi hetime më të thelluara për të.
Deri më tani pas shtyrjes së afatit të aplikimit janë resgjistruar 22 prokurorë nga të cilët vetëm 15 prej tyre do të përzgidhen në këtë strukturë, ndërkohë që mbetëten edhe 24 orë nga përfundimi i këtij afati.
Ndërkohë që pak minuta më parë ka aplikuar edhe Maksim Sota, Prokuror në Prokurorinë Pranë Gjykatës së Shkallës Parë Vlorë.
Prokurorët e tjerë të cilët kanë aplikuar deri më tani janë: Altin Dumani , Enkeleda Osmani ( Xhengo), Elida Kackini ( Celami), Enkeleda Millonai,Vate Staka, Anton Martini, Klodian Braho, Besnik Muçi, Eneid Nakucin, Edvin Kondilin, Dolorez Musabelliu, Eugen Beci, Dritan Prençi, Shkëlzen Cena, Vladimir Mara, Arben Kraja, Besim Hajdarmataj, Vatë Staka, Behar Dibra dhe Dorina Bejko.
Kujtojmë se afati i fundit i aplikimit ishte me datë 06.02.2019 por për shkak të numrit të paktë të aplikimeve ai u shty deri me datën 21 shkurt.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
