Deputetja e PD, Jorida Tabaku, nuk e ka ndalur hapin për të ftuar sa më shumë qytetarë në protestën e 16 Shkurtit.
“Derë më derë të banorëve dhe bizneseve të njësisë 8, – thotë Tabaku. – Të shtunën më 16 shkurt protestohet për taksat e larta, për çmimin e energjisë dhe jo vetëm kaq. Protestohet për të sjellë edhe një herë shpresën e vrarë vazhdimisht nga kjo mazhorancë. Të shtunën dalim për lirinë tonë dhe për të ardhmen e gjithësecilit prej nesh. Jemi ne që vendosim të ardhmen.
Protestojmë për të jetësuar parimin e qytetarëve të barbartë përpara ligjit; janë dënuar njerëz pse nuk kanë paguar energjinë elektrike dhe nuk po dënohen ato që kapen duke drekuar me të inkriminuar. Kjo kulturë pandëshkueshmërie, kjo kulturë e skllavërimit dhe përçudnimit moral duhet të zhbëhet. Na takon ne që të përkushtohemi në krijimin e një vendi që respekton barazinë përpara ligjit dhe ndërton institucionet.
