Pas videos dhe denoncimit të bërë publike në media, është arrestuar polici i cili ngacmoi seksualisht vajzën 15-vjeçare.
Arrestimi i tij është bërë pas publikimit të videos ku shihej duke kryer veprime të turpshme përmes celularit në drejtim të miturës. Arrestimi u krye pas publikimit të videos në media.
Denoncimi për punonjësin e policisë është bërë nga nëna e 15- vjeçares, e cila ka thënë se shefi i policisë e ka marrë në makinë vajzën dhe ka kryer akte të turpshme. Gjithashtu ai e ka telefonuar vajzën dhe ka kryer biseda erotike përmes telefonit.
Bëhet fjalë për shefin e policisë së zonës Grumiere (Malësi e Madhe), Berhan Bajrakurti.
“Ne Shkodër është arrestuar menjëherë punonjësi i policisë qe eshte shfaqur ne videon e publikuar ne media.”– thuhet nga policia.
Nëna nuk identifikohet por pohon se familja e saj do të largohet nga Shqipëria pas kësaj ngjarjeje.
