Ambasada e Shteteve të Bashkuara fton prokurorët të aplikojnë për të qenë anëtarë të SPAK.
Në një postim në faqen zyrtare, Ambasada e SHBA-së thotë se Shqipëria po krijon një sistem të ri drejtësie, bazuar tek pavarësia, profesionalizmi dhe integriteti.
Ndaj dhe prokurorët të cilët mishërojnë këto ideale i përgjigjen një thirrjeje për shërbim publik që është më e lartë sesa thjesht një vend pune.
“Ne iu bëjmë thirrje këtyre njerëzve me kurajo që të bëhen pjesë e të ardhmes së Shqipërisë duke aplikuar për të qenë anëtarë të SPAK” përfundon Ambasada.
Deri tani kanë aplikuar tre prokurorë për tu bërë pjesë e strukturës së re të SPAK, përkatësisht Anton Martini, Besnik Muçi dhe Klodian Braho.
Në strukturën e SPAK do të jenë 15 prokurorë, ndërsa afati për dorëzimin e dokumentave përfundon pas dy javësh.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
