Komisioni i Pavarur i Kulaifikimit ka shtyrë vendimin për drejtuesen e Prokurorisë për Krimet e Rënda Donika Prelën. Vendimi është shtyrë për në datën 5 shkurt.
“Komisioni i Pavarur i Kualifikimit njofton se, për shkaqe të arsyeshme, seanca e shpalljes së vendimit për subjektin e rivlerësimit, Znj. Donika Prela, me detyrë drejtuese e Prokurorisë së Shkallës së Parë për Krimet e Rënda, përcaktuar në datë 29.01.2019, ora 10:00, do të shtyhet për në datë 05.02.2019, ora 9:00. Kjo seancë do të mbahet në të njëjtën sallë në Pallatin e Kongreseve, në Tiranë!”- thuhet në njoftimin e KPK-së.
KPK konstatoti probleme me deklarimin e pasurisë. Shkelje janë vërejtur në blerjen e një apartamenti në Durrës dhe të një sipërfaqe toke në kryeqytet.
Kujtojmë se Partia Demokratike prej disa ditësh e ka vendosur në vemendje Donika Prelën, duke i kërkuar KPK-së të verifikojë nëse ajo ka takuar anëtaren e vettingut më parë dhe nëse është e përfshirë në përgjimet e dosjej 339.
