Një aksident është regjistruar sot në qytetin e Fierit, pranë stacionit të trenit.
Një automjet tip “Opel” ka përplasur një kalimtare. Sipas dëshmitarëve në vendngjarje, gruaja e moshuar ishte duke kaluar rrugën teksa është përplasur nga automjeti.
E moshuara është dërguar në spitalin rajonal në Fier dhe sipas të dhënave ndodhet në gjendje të rëndë shëndetësore.
Drejtuesi i automjetit është shoqëruar në komisariat.
Policia ende nuk ka një njoftim zyrtar për këtë ngjarje, si dhe për identitetin e të moshuarës.
