Identifikohet shqiptari që u gjet i murosur, disa ditë më parë në Itali.
Rezultatet e autopsisë së mjekësisë ligjore italiane kanë konfirmuar identitetin e trupit të personit të gjetur i murosur në një vilë luksoze në komunën Senago të Milanos. Ai është Astrit Lamaj i zhdukur më janar të 2013 nga Genova e Italisë kur ishte 41 vjeç.
Mjekët ligjorë kanë konfirmuar se ka qenë një vdekje e dhunshme e autoritetet e drejtësisë italiane kanë nisur një proces hetimor për zbardhjen e autorëve të këtij krimi makabër.
Policia italiane informon se Astrit Lamaj ishte një person me precedent penal i lidhur me trafikun e drogës.
Ka qenë vëllai i viktimës, i cili ka denoncuar zhdukjen e Astrit Lamaj. Hetimet e asaj kohe kishin vërtetuar se ai është parë për herë të fundit në territorin e provincës së Monzës.
Trupi i murosur i Astrit Lamaj u gjet pak ditë më parë nga disa punëtorë gjatë punimeve që po kryheshin për restaurimin e vilës luksoze. Vila është restauruar për herë të fundit 5 vite më parë në kohën e zhdukjes së Astrit Lamaj që sivjet do të mbushte 47 vjeç.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
