Klement Balili është vetëdorëzuar në polici. Fillimisht ka qënë një mesazh i publikuar në profilin e ish-kryeministrit Berisha i cili ka bërë me dije këtë informacion.
Qytetari dixhital jepte informacion për vendndodhjen e tij.
Qytetari dixhital informon. sb
Pershendetje doktorin vetdorezohet kelment Balili ne prokurorin e krimeve te renda ai esht nisur drejt tiranes me Rigels Balilin” thuhet në mesazhin e Berishës.
Ndërkohë dhe TCh ka konfirmuar lajmin referuar një prej avokatëve të tij, Baftjar Rusi. I shumëkërkuari Klement Balili është vetëdorëzuar në Policinë e Shtetit mëngjesin e kësaj të marte.
Sipas informacioneve, Balili ndodhet në Policinë e Shtetit së bashku me avokatin tjetër, Theodhori Sollaku, ish-kryeprokuror i përgjithshëm.
Me dorëzimin e Balilit konfirmohen dhe dështimet spektakolare të policisë, edhe pse janë organizuar 13 operacione për kapjen e tij.
