Lideri i Koresë së Veriut Kim Jong-un ka mbërritur në Pekin për një vizitë të panjoftuar, me ftesë të presidentit kinez Xi Jinping. Kim do të jetë në Kinë deri më 10 janar me gruan e tij Ri Sol-ju, sipas raporteve të medias shtetërore.
Vizita vjen pas raportimeve se negociatat midis Kim dhe presidentit të SHBA, Donald Trump u lanë të zhvillohen në një samit të dytë duke qënë se herën e fundit ishin të tensionuara.
Të dy u takuan qershorin e kaluar, takimi i parë i tillë për një president të SHBA.
Vizita e Jong-un nuk ishte njoftuar dhe të gjithë kishin marrë masat që të mos bëhej publike. Dhjetëra automjete dhe zyrtarë të sigurisë bllokuan rrugët rreth stacionit të trenit në qytetin kufitar Dandong.
Mysafirët e hotelit në Dandong nuk u lejuan gjithashtu të hynin në dhomat që ballafaqoheshin me kufirin, me gazetën Kyodo duke e quajtur këtë një “veprim të dukshëm për të parandaluar që treni të shihej”.
Vizita e Kim, gjatë së cilës ai është duke u shoqëruar nga disa zyrtarë kryesorë të Koresë së Veriut, është e katërta e tij në Kinë në më pak se një vit.
Të martën thuhet gjithashtu se është ditëlindja e 35-të e Kim, megjithëse data e lindjes së tij nuk është konfirmuar asnjëherë nga Pheniani.
Kina është një aleat i rëndësishëm diplomatik për Korenë e Veriut dhe një nga burimet kryesore të saj të tregtisë.
“Kim është i etur të rikujtojë administratës Trump se ai ka opsione diplomatike dhe ekonomike përveç asaj që Uashingtoni dhe Seuli mund të ofrojnë,” i tha Reuters, drejtori i Studimeve të Mbrojtjes në Qendrën për Interesin Kombëtar.
