Zëvendësministri i Brendshëm Besfort Lamallari dhe Drejtori i Përgjithshëm i Policisë së Shtetit Ardi Veliu, gjatë një takimi paraditen e sotme me drejtuesit qendrorë të Policisë së Shtetit, kanë bërë të ditur dhe dy urdhrat e Ministrit të Brendshëm Sandër Lleshaj.
Në urdhërat thuhet se drejtues i Lartë Tonin Vocaj, ish drejtor i policisë Tiranë, emërohet Drejtor i Departamentit të Policisë Kriminale në Policinë e Shtetit dhe Drejtues i Lartë Eduart Merkaj emërohet Drejtor i Departamentit për Kufirin dhe Migracionin në Policinë e Shtetit.
Tonin Vocaj është ish-drejtor i Policisë së Tiranës.
Këto janë ndryshimet e para që Lleshaj ka ndërmarrë që prej marrjes së postit të ministrit të brendshëm.
