Një shqiptar është dëbuar nga Italia, pasi publikoi mesazhe kundër festës së Krishtlindjeve në faqen e tij në Facebook.
Sipas mediave italiane, shqiptari kishte lidhje me imamë të arrestuar në Kosovë për terrorizëm e nxitje të urrejtjes raciale.
Shqiptari, i identifikuar si Shaban Caca akuzohet për aktivitet antisemit ekstremist e konsiderohet një person i rrezikshëm për sigurinë kombëtar.
Atij i është ndaluar hyrja në territorin italian për 10 vitet e ardhshme.
Ministri i Brendshëm Matteo Salvini ka reguar pas arrestimit dhe ka falenderuar autoritetet policore të Padovës duke u shprehur se “Në Itali nuk ka më hapësirë për këdo që përpiqet të sjellë luftën brenda shtëpisë sonë.
Hetimet ndaj tij janë kryer nga Antiterrorizmi italian i Policisë së Padovës në bashkëpunim me shërbimet e inteligjencës. Së bashku me shqiptarin e dëbuar është sinjalizuar si person i rrezikshëm dhe një tjetër emigrant shqiptar me statusin e azilkërkuesit.
©DRONI.al
