Ka patur disa denoncime lidhur me maternitetin ‘Koço Gliozheni’, ku në një artikull nga BIRN, u zbulua se foshnjat ndërronin jetë për shkak të mungesës së inkubatorëve.
Ditën e djeshme, deputeti demokrat Bardh Spahia ishte në ambjentet e këtij materniteti, ku theksoi se kushtet janë skandaloze dhe se për këtë gjë bënte me faj ministren Ogerta Manastirliu.
Së fundmi, deputeti ka zbuluar se ajo po zhvillon një takim me dyer të mbyllur me drejtues të këtij materniteti.
‘‘Aktualisht Ministrja e Shendetesise ndodhet ne nje mbledhje me dyer te mbyllura me drejtuesit e maternitetit Koco Gliozheni. Eshte e qarte qe edhe mbas skandaleve te njepasnjeshme dhe gjendjes dramatike ne institucionet qe ajo drejton, shqetesimi i vetem i ministres eshte te mbaje te fshehte situaten” deklaron deputeti.
