Kreu i Partisë Demokratike ka ndarë në Facebook me ndjekësit një foto përkrahë së cilës ka dhënë një mesazh.
Lulzim Basha ka kaluar Krishtlindjen pranë një familje të varfër, e më pas ka takuar dhe Ipeshkvin e Dioqezës.
POSTIMI I PLOTË
Këtë ditë të Lindjes së Krishtit e kalova pranë familjes Ndoka në Hajmel dhe familjes Lorja në Stajkë. Ndonëse në vështirësi të mëdha, mesazhi i tyre në këtë ditë të shenjtë është besimi dhe shpresa tek e nesërmja.
Pata nderin të ndalesha për të uruar edhe Ipeshkvin e Dioqezës së Sapës Dom Simon Kullin.
Krishtlindja na bashkon të gjithëve rreth vlerave më të mira të familjes, të komunitetit dhe të Atdheut e na mbush me optimizëm dhe besim për të nesërmen.
