Policia e Elbasanit ka dhënë detajet e para lidhur me ngjarjen e ndodhur mbrëmjen e ndjehsme, ku një 36 vjeçar u qëllua me armë gjahu.
Policia e Elbasani ka arrestuar shtetasin P.Z., 27 vjeç, banues në Mlizë, pasi qëlloi për vdekje aksidentalisht shokun e tij Ardi Bodurri, i cili ishte punonjës i pyjeve.
Viktima ishte specialist i Pyjeve në Agjencinë Rajonale të Zonave të Mbrojtura dhe mjeti ‘Fuoristradë’ është në pronësi të kësaj agjencie.
Bodurri ka patur dhe autorizim për vrasjen dhe marrjen e mostrave nga dhelpra e kuqe për shkak të sëmundjes së tërbimit, projekt i autorizuar nga Ministria e Bujqësisë.
Njoftimi i policisë:
Rreth orës 23.00, në fshatin Shelcan në një zonë të pyllëzuar është vrarë me armë gjahu shtetasi A. B., 36 vjeç.
Nga veprimet e para të kryera nga Specialistët për Hetimin e Krimit në DVP Elbasan dhe ata të Komisariatit të Policisë rezultoi se viktima së bashku me autorin dhe tre persona të tjerë kishin lidhje fisnore dhe krushqie me njëri-tjetrin. Me një mjet tip ‘Fuoristradë’ me targa AA721EF kanë dalë për gjueti dhe në momentin që ka gjuajtur gjahun, shtetasi P.Z aksidentalisht ka vrarë shtetasin A.B.
Viktima ishte specialist i Pyjeve në Agjencinë Rajonale të Zonave të Mbrojtura dhe mjeti ‘Fuoristradë’ është në pronësi të kësaj agjencie. Viktima ka patur dhe autorizim për vrasjen dhe marrjen e mostrave nga dhelpra e kuqe për shkak të sëmundjes së tërbimit, projekt i autorizuar nga Ministria e Bujqësisë.
Grupi hetimor ka sekuestruar dy armë gjahu dhe po vijon punën për zbardhjen e plotë të rrethanave të kësaj ngjarjeje.
Në Komisariatin e Policisë Elbasan janë shoqëruar dhe tre persona të tjerë, ku nga veprimet e kryera u bë arrestimi në flagrancë edhe i shtetasit A.Z, 25 vjeç, banues në fshatin Shelsan Elbasan, për veprën penale “Veprime që pengojnë zbulimin e së vërtetës”,
