E ftuara në programin ‘Xing me Ermalin’ ishte moderatorja e njohur Albana Osmani. Së fundmi, moderatorja është angazhuar me Fondacionin ‘Ti je një Luledielli’, gjë e cila i ka sjellë suksese të tjera.
Këtë herë në emision, Albana rrëfeu si u bë pjesë e Top Channel, disa nga eksperiencat e saj në intervistimin e personazheve e deri tek jeta e saj private, ku Albana vazhdon të jetë një ndër personat publikë që është beqare.
Në një moment kur Albana tregon për audicionet në Portokalli, ajo thotë se vendin ia zuri Ami, e cila është bashkëshortja e Ermalit. Mes shakash dhe batutash, Ermali i thotë se nëse do të kishte fituar ajo audicionin dhe do të drejtonte Portokallinë, sot do të ishte martuar me të, dhe jo me Amin.
Të dy e kaluan me të qeshura këtë situatë, ndërsa nuk munguan as ovacionet nga publiku.
Në video e gjeni në minutën e 17
https://www.youtube.com/watch?v=DYaZvrprYOs
