Kryetari i Kuvendit të Shqipërisë, Gramoz Ruçi, ka komentuar protestën e studentëve.
Ai ka thënë se “universitetet duhet të rishikojnë të gjitha tarifat për të garantuar mundësi të barabarta për studentet me të ardhura të pakta”.
Ruçi komentoi protestën, ndërsa merrte pjesë në Forumin “Konkurrenca dhe biznesi”.
Deri më tani kryeministri Edi Rama nuk ka pranuar të plotësojë kërkesat e studentëve, pa u ulur më parë në dialog me ta, ndërkohë që nga ana e tyre studentët kërkojnë që më parë të plotësohen 8 kërkesat e listuara prej tyre për përmirësimin e cilësisë së arsimit të lartë, dhe mbi të gjitha, përballimin e tarifave për vitet akademike.
