Prokuroria e Përgjithshme ka dyshime se deputeti i LSI-së Shkëlqim Selami nuk ka bërë deklarim të sakte dhe ka fshehur një dënim.
Një shkresë e Prokurorisë së Përgjithshme, që mban datën 14 dhjetor drejtuar Komisionit Qendror të Zgjedhjeve, thotë “se pas bërjes publike të formularit të vetëdeklarimit të deputetit Shkëlqim Selami rezulton se ka mospërputhje informacioni sa i përket të dhënave të paraqitura në formular nga subjekti deklarues”.
Kjo konfirmohet dhe nga nënkryetari I KQZ-së, Hysen Osmanaj i cili thotë se i gjithë informacionin për deputetin Selami do t’i niset pa vonese organit të akuzës.
Burime të prokurorisë thanë se dyshohet që deputeti Selami të ketë fshehur një dënim në Itali në fillim të viteve ‘90, për trafik te qenieve njerëzorë.
Në formularin e depozituar në KQZ, deputeti i LSI-së në Qarkun e Vlorës pranon të ketë ndryshuar mbiemrin me vendim gjykate nga Selamemini në Selami.
Ai mohon të jetë dënuar me vendim të formës së prerë nga autoritetet vendase ose të huaja dhe se nuk është dënuar me vendim jo të formës së prerë, por pranon se ka qenë në hetim e gjykim dhe se është ndaluar nga policia e Brindisit në vitin 2007 thjesht për arsye verifikimi dhe më pas është liruar.
DETAJE/ Deputeti LSI ka ndërruar mbiemrin, mospërputhje informacioni gjatë vetëdeklarimi
