Kreu i PD-së i pranishëm në protestën e banorëve të Unazës së re, ka akuzuar Edi Ramën si hajduti i 40 milionë eurove, ndërsa është shprehur se kryeprokurorja hesht përpara këtij skandali.
Basha u shpreh se media zbuloi se si me dokumente të falsifikuara Edi Rama me shokë kërkon të vjedhje paratë e shqiptarëve, po Arta Marku hesht.
‘Investigimi i medias dhe autoritete amerikane provuan falsifikimin e dokumenteve për projektin 40 milionësh. Arta Marku mbron këtë aferë korruptive.
Edi Rama është ulur këmbëkryq me Salillarin, Viktoria Invest dhe Biba X për të ndarë miliona euro.
Por prokuroria nuk ka ndërmarrë asnjë veprim për të marrë në pyetjet pronarët e kompanive.
Kush e ka fuqinë politike në vend, që një aferë korruptive ku përfshihet ARRSh më të besuarin e Ramës, Afrim Qendro, APP, policia, policia bashkiake, ministrinë e Infrastrukturës, të Financave, Bashkinë e Tiranës?
Të gjithë e dinë se përgjigja është se mbrapa këtij projekti korruptiv 40 milionë eurosh është Edi Rama’, u shpreh kreu i PD-së Lulzim Basha gjatë deklaratës së tij me banorët e Unazës së re.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
