Studentët kanë mbërritur në rrugën e Durrësit, nga ku do të qëndrojnë përballë Ministrisë së Arsimit, për të kërkuar uljen e tarifave.
Janë një numër i madh studentësh, të cilët vijnë nga fakultetet e Tiranës, por gjithashtu dhe nga rrethet.
Pak më herët, sudentët e Universitetit Bujqësor të Kamzës kanë ecur në këmbë drejt Rrugës së Durrësit, ndërsa kanë bllokuar dhe hyrjen e autostradës Tiranë-Durrës.
Gjithashtu janë disa studentë nga universiteti i Vlorës dhe Shkodrës të cilët priten t’i bashkohen studentëve në Tiranë.
Mësohet se vetëm në Universitetin e Gjirokastrës mësimi vijon normalisht. Në Elbasan, korce, Durrës studentët kanë marshuar në rrugë me pankarta në duar.
Studentët kërkojnë uljen e tarifave studimore, heqjen e vendimit për pagesën e riprovimeve dhe përmirësimin e kushteve në konvikte.Ata i kanë lënë afat Ministrisë së Arsimit deri në orën 16:00 të ditës së sotme që të kthejë përgjigje për kërkesat e tyre.
https://www.facebook.com/PerUniversitetin/videos/2001574139934046/
