Kuvendi miratoi sot Buxhetin e Shtetit për vitin 2019. Parlamenti votoi me 76 vota pro, asnjë kundër, asnjë abstenim.
Kuvendi rrëzoi amandamentin e propozuar nga Erion Braçe mbi tatimin për pagat mujore deri në 40 mijë lekë.
Ky ishte dhe shkaku i debatit mes Erion Braçes dhe ministrit Ahemetaj. Gjatë diskutimit me ministrin e Ekonomisë Arben Ahmetajn, për tatimin mbi të ardhurat personale, Erion Braçe propozoi taksë zero për ata që kanë një pagë mujore deri në 40 mijë lekë.
Braçe u shpreh se duhet të mbrojmë të ardhurat minimale, pasisipas tij norma e rritjes së të ardhurave nga puna, më atë të të ardhurave nga kapitali nuk mund të barazohet menjëherë.
Pas diskutimeve dhe hedhjes në votim, 63 deputet votuan kundër, 1 pro (vetë Braçe), 12 abstemin.
Gjatë seancës plenare, maxhoranca rrëzoi amendamentet e propozuara nga deputeti Erion Brace për paketën fiskale. Janë disa amendamentet të Braces që u rrëzuan nga maxhoranca në Kuvend.
-Mosndryshim i taksës minerare..
-Rritje e taksës për lojërat e fatit nga 15% ne 30%.
– Zerim të taksës për shitjen e librave
-Rritje e fashës së pagës qe nuk tatohet nga 30 mijë lekë në 40 mije lekë
-Taksa e ndërtesës për Organizatat e personave me aftësi ndryshe dhe libraritë të jetë zero.
Ndërkohë që dhe deputeti Bashkim Fino është bërë pjesë e dsikutimeve. Ai ka kundërshtuar nenin 12 të këtij pr/buxheti i cili sipas qeverisë përfaqëson hirearkinë e pagave në republikën e Shqipërisë.
Ai i kujton kryeministrit Rama e kryetarit të Kuvendit se janë 800 persona që marrin dyfishin e pagës së tyre
Fino votoi kundër nenit 12.
