Kryeministri i Kosovës Ramush Haradinaj ka raportuar në Komisionin Parlamentar në lidhje me dëbimin e 6 gylenistëve nga Kosova në mars të këtij viti.
Kryeministri i Kosovës, Ramush Haradinaj, tha se për deportimin e 6 shtetasve turq nga Kosova në mars të këtij viti ishte njoftuar nga një diplomat i huaj.
Kryeministri Haradinaj ka komentuar lavdet që presidenti turk i drejtonte Hashim Thaçit e ish-shefit të AKI-së për gylenistët dhe ofendimet që i bënte për të, duke treguar edhe a ka pas informacione Thaçi për rastin, shkruan Gazeta Express.
Haradinaj ka sqaruar se për shkak të mos informimit të tij, kërkoi atë kohë shkarkimin e drejtorit të AKI-së, Driton Gashi si dhe ministrit të Punëve të Brendshme Flamur Sefajt.
Haradinaj në komisionin për gylenistët është pyetur se a ka marrë përgjigje nga Thaçi për ditën e 29 marsit dhe se a ka ditur presidenti për operacionin, duke u bazuar kështu edhe në lavdet që atëherë presidenti Erdogan ia dërgonte për këtë aksion presidentit e shefit të AKI-së.
“E kemi diskutuar me akterët se kush e ka ditë për rastin, por ata më kanë thënë se ka qenë nivel i organeve të sigurisë dhe ata kanë vendosë për këtë rast”, ka përfunduar Haradinaj.
https://www.facebook.com/Televizioni7/videos/720723928307305/?t=0
