Albana Osmani prej një viti është themeluesja e fondacionit ”Ti je një luledielli-You are a sunflower’ e cila është shndërruar tani në një nismë. Fondacioni mbledh fonde për të ndihmuar fëmijët e sëmurë në kurimin e sëmundjve të ndryshme.
Procedura e thjeshtë konsiston në blerjen e një bluzeje apo produkti tjetër me luledielli, dhe gjithë të ardhurat shkojnë direkte për këta fëmijë.
Deri më tani, çdogjë ka funksionuar online, pa një vend bazë, dhe së fundmi, Albana na njofton se për herë të parë ato do të krijojnë zyrat e tyre. Në një postim në instagram, Albana shkruan se fondacioni i saj do të ketë tashmë një “banesë” dhe jo thjesht punë në mjedise të rastësishme.
https://www.instagram.com/p/BqP4Pr_lnjP/?utm_source=ig_embed
Postimi i plotë
“Në një jetë tjetër do isha nje super bojaxhie. Më pëlqen kaq shumë kur shikon të realizosh qiellin “me nje penel “.Më saktë po ndiej kaq lumturi sa po gëzoj si fëmijë, pasi pas dy vitesh punë vullnetare pa pushim ditë e natë përmes shumë sakrificash , pa një “fole“ rrugëve , sot ne e kemi këtë zyre për 1 vit si fillim, dhënë kjo bujarisht nga shqiptari i njohur Z.Sal Rusi dhe biznesmeni i suksesshëm Z.Bashkim Ulaj . Faleminderit!!
Deri më sot ne punonim ku kishte free WiFi në ambiente të hapura, ku çdo email dërgohej, dhe me duart e bashkuara me lutje drejt Zotit, besuam më të mirën. Dhe kështu mes njerëzish të jashtëzakonshëm shqiptarë të mirë e me zemër, ne rendëm në 3 shtete me sukses të plotë ! Ta nisësh nga zero dhe të çosh çdo cent në destinacion publikisht do të thotë integritet i nivelit më të lartë ! Dhe dashuri supreme, që vjen nga Zoti pa kushte, pa interes, pa asnjë prapavijë. Vetëm me dashuri , e nëse dyshonit që nuk ndodhte më , ju dëshmoj o njerëz të mirë që po!
Ju dëshmoj o njerëz të mirë që para pak ditësh në Republikën e Kosovës u bë për herë të parë një analizë në histori në pavionin e onkohematologjisë , falë jush se bletë një bluzë me luledielli,falë jush !!!Të publikosh çdo faturë deri në detaj ,të jesh 100 % bamirësi… kjo ishte shokuese edhe për organizatat ndërkombëtare , ndërsa na thanë :”Nga Shqipëria e vogël dhe e varfër, i përulemi kësaj pune të jashtëzakonshme !
E sigurisht ne po punojmë mbi auditin dhe zgjodhëm Deloitte, institucion ndërkombëtar, zhvilluam një takim të parë , si me preçizi, mezi pres ta vë në ballë të website me krenari! Me shumë krenari për shokët e mi që ishim e jemi bashkë në këtë rrugëtim nga dita 01 ! Me krenari për çdo shqiptar që tha “po e dua këtë luledielli sepse i dua fëmjët e na mbështeti !” Kam rendur duke patur në mendje ata të vegjël e në dilemë me jetën , dhe druhesha nëse do t’i shoh përsëri apo jo , e nëse ju duheshin këto pajisje për t’i shpëtuar do bëja gjithçka – gjithçka që të ndihmoja ! Kjo qe sfida më e madhe e imja deri më sot në jetë !”
