CNN ka ngritur një padi kundër Presidentit Trump dhe disa vartësve të tij, duke kërkuar qasjen dhe lejimin e korrespondentit Jim Acosta në Shtëpinë e Bardhë.
Padia është një përgjigje ndaj pezullimit që Shtëpia e Bardhë i bëri gazetarit Acosta, javën e kaluar. Padia pretendon se të drejtat e Acosta dhe CNN janë duke u shkelur.
Padia u paraqit në Gjykatën e Rrethit Uashington D.C të martën në mëngjes. Ajo u ankorua dhe u caktua te gjyqtari Timothy J. Kelly, një i emëruar i Trump. Gjyqtari dha afatin e së mërkurës për të dorëzuar përgjigjen ndaj padisë. Ai ka caktuar një seancë për të mërkurën në orën 15:30.
Të dy CNN dhe Acosta janë paditësit në padi. Janë gjashtë të pandehur: Trump, shefi i shtabit John Kelly, sekretarja e shtypit Sarah Sanders, zëvendës shefi i shtabit për komunikimet Bill Shine, drejtori i shërbimit sekret Randolph Alles dhe oficeri i shërbimit sekret të cilët dhanë urdhërin e ndalimit të Acosta të mërkurën e kaluar. Të gjashtë të pandehurit emërtohen për shkak të rolit të tyre në zbatimin dhe shpalljen e pezullimit të Acosta-s.
“Ky nuk është një hap i lehtë, por veprimi i Shtëpisë së Bardhë është i pashembullt”, tha presidenti i CNN Jeff Zucker për stafin.
Sanders iu përgjigj padisë duke thënë se administrata do të “mbrojë fuqishëm” vetë.
Në një deklaratë të martën në mëngjes, CNN tha se ishte duke kërkuar një urdhër të përkohshëm në mënyrë që Acosta të mund të kthehej menjëherë në Shtëpinë e Bardhë dhe një vendim nga gjykata që pengonte Shtëpinë e Bardhë që të heqë miratimin e Acosta-s në të ardhmen.
