Problemi më madhor për ish-ministrin Manjani është se ku po shkojnë paratë e njerëzve.
Ai i referohet deklaratës së fundit të ministrit Damian Gjiknuri i cili tha se nuk ka 200 milion për rrugën Tiranë-Durrës dhe shumë shpejt do t’ia japë me koncesion një kompanie private.
Por dilema e ish-ministrit, është tek lidhja e kontratave të koncesionit ku asnjë cent nuk jepet apo garantohet me bankë.
Të jetë pastrim parash? Pyet Ylli Manjani.
Reagimi i plotë
Borxhi.
————-
Damian Gjiknuri tha dje se qeveria nuk i ka 200 milionë euro për rrugën Tiranë-Durrës. Prandaj dhe duhet dhënë me koncension një privati, që shyqyr që na paska dalë!
Ndërkohë, borxhit aktual, prej rreth 7 miliardë euro (70% e GDP)i është shtuar edhe borxhi i fshehtë prej 2 miliardë euro, me PPP dhe kontrata të reja koncensionesh.
Për lidhjen e kontratave të koncension-korrupsionit përdoret si garanci sovrane gjithnjë shuma prej 200 milionë. Aq sa i mungojnë Damianit…
Asnjë cent nga këto 2 miliardë nuk jepet e as garantohet nga asnjë bankë apo institucion financiar!!!
Të jetë pastrim parash?!
Shpifje nuk është iher!
Por një gjë është e sigurtë: është abuzimi më i rëndë që ka ndodhur ndonjëherë! Qeveria ka vendosur se ku do çojë paratë e njerëzve të paktën për 30 vitet e ardhshme!
Borxh i frikshëm që vetëm destabilitet prodhon!
Imagjinoni sa është përqindja e korrupsionit në këto afera!
Ndërkohë parlamenti monist, politika e media bëjnë llo llo llo llo gjithë ditën kot…
