Kreu i opozitës, Lulzim Basha ka konsideruar si hap të rëndësishmë të pastrimit të politikës nga krimi largimin e ministrit të Brendshëm, Fatmir Xhafaj.
Basha tha se me Fatmir Xhafën krimi vuri nën kontroll të plotë policinë dhe prokurorinë ndërsa largimi i tij është vetëm fillimi i shkërmoqjes së bashkëqeverisjes së Edi Ramës me krimin.
Deklarata e Bashës:
“Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë.
Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit”.
