Të paktën 50 persona kanë gjetur vdekjen, pjesa më e madhe e tyre pas shtypjes nga turma, pasi një tren kaloi mbi një turmë njerëzisht në një hekurudhë në Amritsar të Indisë, pranë kufirit pakistanez.
Dhjetëra të tjerë janë plagosur.
Zyrtar i Amritsar Rajesh Sharma ka konfirmuar se 50 trupa janë gjetur, pasi një tren eci me shpejtësi të lartë përmes një turme njerëzish gjatë një tubimi në një pistë hekurudhore.
Pamjet e vendit të aksidentit, tregojnë trenin që ecën përmes turmës së njerëzve, të cilët ishin mbledhur për të djegur një figurë të mbretit-demon Hindu, Ravana, kulmi i festivalit vjetor të Dussehra.
Dëshmitarët raportojnë disa fëmijë mes viktimave dhe thonë se njerëzit nuk dëgjuan paralajmërimet e trenit për shkak të zhurmës së fishekzjarrëve.
