Arkimed Lushaj, i njohur ndryshe si Stresi, pret të marrë masën e sigurisë ditën e sotme. Ai u arrestua nga policia pasi dyshohet se është pjesë e një grupi kriminal dhe të trafikimit të lëndëve narkotike.
Stresi u arrestua mbasditen e së mërkurës, në një hotel në kryeqytet, në Linzë. Policia në njoftimin e saj zyrtar, bënte me dije se bashkë me të, në momentin e arrestimit, ishte dhe një vajzë 20 vjeçare, e cila po procedohet në gjendje të lirë.
Nga ana tjetër, Stresi është në një lidhje dhe zyrtarisht para pak muajsh ai ka shpallur dhe fejesën me të dashurën e tij Kejsi.
Lidhja e tyre mori vëmendje të madhe, por nuk dihet sesi Kejsi do ta presë këtë lajm për të fejuarin e saj.
Ajo ka reaguar në rrjetet sociale, por pa postuar direkt diçka që lidhet me Stresin. E veshur me të bardh dhe me unazën ende në gisht, Kejsi ka pozuar para pasqyrës duke lënë ende të kuptohet që ajo nuk ka hequr dorë nga Stresi.
