Aktori i njohur i humorit shqiptar, Florjan Binaj ka rrëfyer një prej historive të jetës së tij vetëm që të mos hante një ushqim ‘të keq’.
Gjatë lojës “Ndaje ose haje”, ai tregoi emrin e një vajze që ka pëlqyer shumë duke treguar historinë që ka përjetuar me të.
Flori tregoi se të dy pëlqeheshin dhe i kishte blerë një arush për dhuratë që t’ia jepte në takimin tek Kodrat e Liqenit. Surpriza në të vërtetë ishte për aktorin, i cili e pa vajzën që pëlqente duke u puthur me një djalë tjetër.
Këtë histori e ka rrëfyer për emisionin “Shiko kush luan” duke shkaktuar shumë të qeshura. Tani aktori është i martuar dhe i lumtur me bashkëshorten, me të cilën gëzon dy fëmijë.
