Gjykata e Shkallës së Parë në Tiranë ka vendosur masën ‘arrest me burg për 30 dite’ për dy të plagosurit Ervis Martinaj dhe shokun e tij Eljon Hato pas ngjarjes në ish Bllok mbrëmjen e se enjtes.
Edhe pse avokatët kanë pretenduar të kundërtën në deklaratat e tyre, Gjykata ka qënë e vendosur në dhënien e masës.
Gjatë ditës së djeshme Prokuroria mori në pyetje në spital biznesmenin e basteve Ervis Martinajn për të hedhur më shumë dritë mbi ngjarjen.
Në lidhje me ngjarjen dy ditë më parë u arrestua në Kakavijë edhe Galdo Hoti, pasi dyshohet se është njëri nga personat që ka qëlluar me armë zjarri në lokal.
Ai ishte pjesë e tavolinës së tre personave që ndodhen në kërkim.
Dyshohet se ‘mollë sherri’ për konfliktin mes 7 personave ka qenë ngacmimi i këngëtares Elvana Gjata, e cila ndodhej në lokal bashkë me të dashurin e saj, Ervin Mataj i cili është në kërkim.
Megjithatë policia dhe prokuroria janë duke hetuar edhe për një konflikt të mëparshëm mes palëve.
